انتي على بالي كل دقيقة و كل ثانية
انتي بالنسبة لي في الحقيقة حاجه تانيه
انتي في عيني البنت الكاملة و الوحيدة اللي بعيش ليها
صدقيني دي مش مجاملة دي الحقيقة اللي مخبيها
و اكيد كنتي انتي ملاحظة من الطريقة اللي بعاملك بيها
و اهي جت اللحظة اللي ممكن اقولك فيها
اقولك اللي بيا .. اقولك اللي فيا
اقولك اني ليكي و اطلب منك تبقي ليا
و انا عمري ما قولت لحد اي حاجه زي ديا
صدقيني بجد انا في حالة مش طبيعية
اسهري فكري بالراحة لو كنتي حاسة بيا
جاوبيني بكل صراحة و ما تخبيش عليا
و انا عايزك تعرفي اني هفضل جنبك بإستمرار
جنبك طول المشوار . حتى لو حبك نار
دانا من غيرك زي جيتار .. بس جيتار من غير اوتار
كل ليلة بسهر . بسعر بقعد افكر
انتي بتحبيني ولا انا بحبك اكتر ؟
اكيد الواحد ما ينفعش يعيش لوحده
مهما كان برضه انسان
لازم يدور ع المكان اللي شايفه في الاحلام
اللي عايزة من زمان . اللي يلاقي فيه الامان و السلام
جبان .. لما خدعني و باعني و خاني و قالي كلام
و انا لما سمعت عرفت انها اوهام
و فهمت انه بيوقع بيني و بينك
و افتكرت لما كانت عيني في عينك
قولتيلي انك مالكيش في الدنيا الا انا
و السنة اللي قضيتها معاكي كانت هنا صدقيني
انا واثق ان انتي بتحبيني
و لا يمكن حد يفرق بين و بينك
انا كل ليلة بسهر . بسهر بقعد افكر
في اللغز اللي انا عايش فيه
مش عارف ازاي يتفسر
متأثر .. من جوا قلبي متكسر
ايوا بعزك انتي بس بحبها اكتر
و المشكلة ان انتوا اصحاب
ياريت كنتوا اغراب
حاولت اقرب منها . بصيت لاقيت سراب
حسيت اني بعيد . لاقيت نفسي وحيد
و الخطوة اللي هاخدها اني افكر من جديد
انا عارف اني غلطان و ياريت تبقي مسامحاني
ارجعيلي تاني صدقيني انتي واحشاني
فاهماني ؟ . حبك انتي اللي يتحس
سامعاني ؟ . انتي حبيبتي و بس