بسم الله الرحمن الرحيم
يا مطلعه عيني
من سلسلة ( في حب البرنسيسة ) - للكاتب / السيد شاكر
-------------
حبيبتي في كل الفصول
خليتي عقلي مسطول
في الشتاء معايا تدفيني
و في الصيف برضه تهويني
و في الخريف يا ساكنه عيني
حبك طلع ميتيني
و الربيع بدفاه و جماله
يخليني العن الحب و اللي ييجي على باله
حبيبتي في كل وقت شاغله بالي
دمرتيلي اعصابي و بهدلتي حالي
كان مال الحب بس و مالي
يا شيخة يحرق ابو عيالي
حبك ليا يعني الحياه
و قلبي الشوق ملاه
عمال يبكي و يقول اه
قوليلي ايه بس دواه
شاريكي دايماً و مانيش بايع
و قلبي في حبك ضايع
خليتي حالي ولا ابو دبلوم صنايع
شردتي قلبي و خليتيه صايع
حبك في قلبي كبير
ولا اتخن نوع مواسير
علشانك اكل مسامير
لحد ما يجيلي البواسير
شوفتك لاقيتني بحبك
و مشاعري في قلبي دبت
من يومها لا بعمل ولا اهبب
و المستقبل قدامي بقى مضبب
انا اصلي بحبك من يومي
و حبك بالنسبالي شارع عمومي
علشانك اقطع هدومي
و ادعي يارب تنامي ما تقومي
لو ما تخيطيليش تاني هدومي